З 21 па 23 ліпеня ў Гомлі адбыўся VI пленэр пяшчанай скульптуры зь нізкі пленэраў “Легенда зь пяску”. У нядзелю прайшла прэзэнтацыя скульптуры пяшчанага гомельскага цмока.

Тры дні каманда зь менскіх і гомельскіх скульптараў мяшала пясок з вадой і ўручную ўкладвала ў “цела” будучай 20-метровай скульптуры. На яе стварэнне пайшло каля 50 тон пяску.

Удзельнікамі пленэру сталі каля чатырох дзесяткаў чалавек – студэнты, школьнікі і проста неабыякавыя месьцічы, што прыйшлі пазагараць на пляжы ў выходны дзень.

На прэзэнтацыю скульптуры ўвечары сабралася некалькі сотняў чалавек. Цікавы гістарычны экскурс у мінулае цмокаў на гомельшчыне зрабіў арганізатар мерапрыемства Яўген Малікаў. Свае зьвесткі пра цмокаў паведамілі і мясцовыя маладыя літаратары – А.Скідан і С.Балахонаў. Музычную частку склалі гурт “Бан-Жвірба” і бард Зьміцер Вінаградаў.

Агромністая скульптура выклікала цікавасьць у жыхароў Гомеля – да самага зьмярканьня вакол яе віравалі адпачываючыя, каб сфатаграфавацца.

Колькасць каментароў (0) - Ваш каментар: