Менск, Гародня, цяпер Віцебск...

Магчыма, вы ведаеце, што ў раёне плошчы Свабоды (Парк Фрунзе, на месцы круглага фантана) плануецца пабудаваць забаўляльны цэнтр. Ён будзе ўключаць у сябе рэстарацыі, кавярні, бары.
Але не ўсё так проста, як бы хацелася гэта прадставіць нашым горадабудаўнікам і прадпрамальніку, які і сабраўся ажыццявіць гэты праэкт. 
Справа ў тым, што дадзеная тэрыторыя з'яўляецца гістарычна-каштоўнай для нас. Для ўсіх тых, каму не абыякавая наша гістарычная спадчына.
Чаму нас цікавіць гэта тэрыторыя:
- у парку Фрунзе выяўленыя рэшткі падмуркаў сабора св. Мікалая
- старажытнай забудовы
- рэшткі могілкаў, магчыма сярэдневечных
- рэшткі замкавай сцяны (вядома, што дадзеная тэрыторыя ўваходзіла ў склад Ніжняга замка)
- зніштажэньне зялёнай часткі горада ў выглядзе парка ім.Фрунзе пагоршыць і без таго цяжкую экалагічную сітуацыю.
Плануемая забудова цалкам перакрэслівае ўсе шляхі аднаўлення помнікаў, якія знаходзіліся раней на гэтай тэрыторыі. Мы зацікаўлены ў захаванні гістарычнай планіроўкі горада і культурнага слою, які вар'іруецца тут ад 6 да 10 метраў.
Такім чынам нашыя мэты на дадзены момант:
- Прыпыніць на нейкі тэрмін будоўлю, якая можа вось-вось распачацца (ТДА "ДАН" сканчае падрыхтоўку дакументацыі да першай чаргі будоўлі) На дадзены момант намі складзены зварот, пад якім падпсалася болей за 50 віцебчукоў, у якім мы просім галоўнага архітэктара патлумачыць дадзеную сітуацыю: будоўля ў ахоўнай зоне, ў гістарычным месцы.
- Калі ў нас не атрымаецца прыпыніць хоць на нейкі тэрмін ажыццяўленне гэтага праэкта, то дамагчыся паўнавартасных археалагічных раскопак і даследвання гэтай тэрыторыі прафесійнымі і аб'ектыўнымі спецыялістамі.
- Таксама для нас вельмі важныя меркаванні гісторыкаў, краязнаўцаў Віцебшчыны і меркаваньні простых віцебчукоў. Таму, будзем удзячныя, калі вы раскажаце пра дадзеную сітуацыю сваім родным і сябрам, магчыма, сярод вас ёсць журналісты, якія могуць асвятліць дадзеную сітуацыю ў прэсе.
Будзем радыя любому супрацоўніцтву і дапамозе. Калі вас гэта зацікавіла, то больш падрабязную інфармацыю пра дадзеную сітуацыю можна знайсці ў мяне.
Дзякуй.

З павагай і найлепшымі пажаданнямі,
Таська
09.03.2007

Колькасць каментароў (0) - Ваш каментар: