Мiсiя МГА „Гiсторыка“:
Разьвiцьцё нацыянальнай гiсторыка-культурнай iдэнтычнасьцi беларускай моладзi шляхам правядзеньня адукацыйна-асьветнiцкiх мерапрыемстваў
Валанцёры — грамадскія ратаўнікі помніка архітэктуры
У Мінску, у Літаратурным музеі Максіма Багдановіча, які ласкава даў памяшканне, 15-га красавіка адбыўся сумесны з газетай «Звязда» круглы стол па пытаннях валанцёрства ў Беларусі. А дакладней, працы валанцёраў на помніках архітэктуры. Пасяджэнне было прадстаўнічае.
Удзельнічалі старшыня Беларускага фонду культуры і беларускага камітэту ІКАМОС (Міжнародная рада па помніках і мясцінах) Уладзімір ГІЛЕП, старшыня грамадскай камісіі па пытаннях аховы помнікаў пры Міністэрстве культуры Анатоль БУТЭВІЧ, загадчык сектара Упраўлення па ахове гісторыка-культурнай спадчыны Міністэрства культуры Наталля ХВІР, старшыня Беларускага дабрачыннага таварыства аховы помнікаў Антон АСТАПОВІЧ, старшыня МГА «Гісторыка» Зміцер РАГАЧОЎ, прадстаўнік дабрачыннага фонду «Любчанскі замак» Святлана СКРАБЕЦ, прадстаўнік Беларускай асацыяцыі студэнтаў-архітэктараў (БАСА) Зміцер САВЕЛЬЕЎ, сябар беларускага камітэту ІКАМОС Цімафей АКУДОВІЧ.
Уладзімір ГІЛЕП: Валанцёрства — праява высокага патрыятызму!
У Дзень роднай мовы адбылася вандроўка па Вялейскім краі
Беларусь – гэта не толькі мова, але і культура, і гісторыя, якая ёсць паўсюль. Прагная да гэтай гісторыі моладзь і людзі старэйшага ўзросту наведалі 21-га лютага Вялейскі край, што ў Менскай вобласці.
Нягледзячы на адлігу, якая папярэднічала экскурсіі, зранку ў нядзелю ішоў снег, пад якім экскурсанты мелі гонар абыходзіць вялізныя лужыны ў в. Куранец, каб наведаць могілкі паўстанцаў, што загінулі падчас паўстання К. Каліноўскага. Гэты нацыянальна-вызвольны рух быў актыўна падтрыманы ў Вялейскім краі.
13 снежня 2009 году адбыўся 2-і семінар з назвай "Дадай каштоўнасць". Гэтым разам ён прайшоў у старажытным мястэчку Гальшаны.
Ладзілі семінар грамадскія арганізацыі МГА"Гісторыка" і ГА"БК"ІКАМОС" у супрацоўніцтве з Ашмянскім райвыканкамам.
Галоўнай тэмай быў, як і падчас 1-га семінару ў Менску, парадак наданьня аб'екту статуса гісторыка-культурнай каштоўнасьці. Удзельнікі атрымалі веды ў заканадаўстве РБ па гэтым пытанні. Акрамя таго, разглядаліся агульныя пытанні аховы спадчыны. Таксама агучваліся прыклады з досведу суседніх краін.
Святкаванне дня народзінаў Уладзіміра Караткевіча ў Рагачове (Гомельская вобласць) становіцца традыцыйным для маладзёжнага грамадскага аб`яднання "Гісторыка", паведаміла БелаПАН прадстаўніца выканаўчай дырэкцыі аб`яднання, паэтэса і бард Ханна Чумакова.
Паводле яе слоў, другі год запар актывісты МГА "Гісторыка" зладзілі вандроўку ў Рагачоў, прымеркаваную да дня народзінаў класіка беларускай літаратуры, якая адбылася 22 лістапада ў межах кампаніі "Будзьма беларусамі!".
Ягомосць князь Агінскі ў мінулыя выходныя даваў баль. Танчылі, як звычайна, падэграс, галоп, польку-тройку, фігурныя вальсы і, канечне, тот самы паланэз. Разгадвалі шарады, паненкі гулялі ў карты, а панове аддавалі перавагу шахматам. Напрыканцы вечара не абыйшлося без двубою.
Так МГА "Гісторыка" ў Маладзечне адзначыла дзень народзінаў слыннага кампазітара і палітычнага дзеяча Міхала Клеафаса Агінскага. На мэце было аднавіць атмасферу велікасвецкіх баляў ХІХ стагоддзя. Уласнаруч зробленыя строі, рэплікі ўдзельнікаў — усё адпавядала духу той эпохі.
Навіны 
